| has gloss | tel: వామన గుంటలు గవ్వలుగానీ చింతగింజలు మొదలైనవాటినిగానీ వేసి ఆడే రెండు వరసలుగా ఏడేసి గుంటలుగల పీట. దీనినే వాన గుంటలు , ఒనగండ్లు, బద్దీలాట అని కూడా వ్యవహరిస్తారు.త్యాగరాజు తన ఒక కీర్తనలో ఓమనగుంటలు అన్న పదం ఉపయోగించాడు . వామాన గుంటల పీట సాధారణంగా కొయ్యతో తయారు చేస్తారు. అయితే ఆడాలనిపించినప్పుడు పీట వెంటనే అందుబాటులో లేకుంటే నేల మీద, బండ మీద మరి ఏదేని సమతలంపై గుంటలను అనుకరిస్తూ వృత్తాలు గీసి వాటిలో ఆడతారు. రెండు వరసల్లో చెరి యేడు గుంటల చొప్పున మొత్తం 14 గుంటలు ఉంటాయి. ఒక్కొక్క గుంటలో ప్రారంభంలో ఐదేసి చింత గింజలు కానీ గవ్వలు కానీ చిన్న చిన్న రాళ్లు కానీ ఉంచుతారు. ఈ ఆటను చింత గింజలు, సీతాఫల గింజలు, చిన్న గవ్వలు, ఏవి దొరక్కపోతే శనగలు కాని బటానీలు వేటితోనైనా సరే ఆడటం పరిపాటే |
