| has gloss | ksh: De Colonipedia nënnt sijj_en Web_Sëijt zom Medmaache för Jeeder_Ëijn, wo et öm Kölle jëijt. Aanjefange hät dat Projäk am Ëng fum Määtß 2006. Et hät zig_dämm etwa jede Wërrekdaach enne nöüje Sigk als Bëijdraach bekůmme, em Schnett, foshtëijt sesh. Et eß eß fum Ennhald jesinn noch am Aanfang, un säät fun sesch, dadd_et en jemëijnözesch Saach wör un net op et Jeldfodeene uß wör. Doch fenge sesch jenooch Bëijdrääsch, di e beßje donoh rüshe, dat sesch de kölsche Jeschäfflsück un Weete he un do ens jän sellver prässentėere — wan_net nit dänne ier zefreddene Kunde jewääse woore. Dat jannze eß nämmlijj_e Wikki un hät de sellve Soffwäer, wie de Wikipedija, nämmlėsch Mediawiki, henger sesh, ävver troz dämm Name hädd_et med de Wikkipedija nix ze donn. Wie hee bëij onß kann Jede jët schriive, dä jët bëijdraare kann un well, mer moß sesch nidd_enß aanmëllde, kann ävvo. |